Английн Конвентри хотын оршин суугч, пакистан гаралтай Аюун Куреши хүү Microsoft компанийн шалгалтад тэнцсэн хамгийн залуу мэргэжилтэн болжээ. Мэдээллийн технологи буюу IT-гийн салбарын инженерүүдийн чадвар, чансааг тогтоодог тэрхшш шалгалтыг хүү түрүү жил таван настай байхдаа өгсөн гэнэ. Харин шалгалтын дүн энэ сарын эхээр гарсан аж.  Хүүгийн аав мэдээллийн технологийн инженер бөгөөд хүүдээ зориулж гэртээ багахан хэмжээний IT сүлжээ байрлуулсан байжээ.