АНУ-ын Ерөнхийлөгч Б.Обама болон түний гэр бүлийн гишүүд өнгөрсөн 2013 онд 200 гаруй мянган ам.долларын үнэ бүхий бэлэг сэлт авчээ. Авсан бэлгүүдээ хуулийн дагуу улсын санд тушаасан аж. Ерөнхийлөгчөөс гадна өндөр албан тушаалтнуудын авсан бэлэгний үний жагсаалтыг Төрийн департаментаас гаргасан байна.Жишээ нь, Брунейн султан Тэргүүн хатагтай М.Обамад 71 мянган ам.долларын үнэтэй бриллиант, индранил шигтгээтэй цагаан алтан гоёл чимэглэл бэлэглэжээ. Төрийн зарим албан хаагчид бэлэг сэлтээ бүртгүүлээд ажлын өрөөгөө гоёхоор авч үлддэг  гэнэ.