Сингапурт саяхан зохиогдсон "Миланы гэрэл зураг, видео,дүрслэх урлагийн үзэсгэлэн худалдаа 2014" олон улсын арга хэмжээнд Монголын гэсэн тодотголтой булан анх удаа нээжээ. Австралийн гэрэл зурагчин Слм Брандт хэмээх бүсгүй Монголын тал нутгаар морин аялал хийж явахдаа содон, сонирхолтой агшнуудыг дуран авиандаа буулгасанаа энд дэлгэсэн байна. Сингапурын олон улсын гэрэл зургийн IV наадамтай хамтран нээлтээ хийсэн энэхүү үзэсгэлэн худалдааны Монгол буланг нээж тус улсад суугаа Онц бөгөөд бүрэн эрхт сайд Б.Дэлгэрмаа үг хэлжээ.