Брэд Питт нэгэн интернэт шоуны хамгийн сүүлийн зочдын нэг болжээ. Уг шоуны хөтлөгч нь хошин шогийн жүжигчин Зак Галифианакис аж. Тэдний харилцан яриа гэнэтхэн өөрөөр эргэж, байдгаараа уурласан Питт Галифианакисын нүүр рүү нулимахад хүрчээ.

Энэхүү ярилцлага эхлэхээс өмнө Зак олны анхаарлыг татаж нэгэн операторт хандаж гомдол мэдүүлсэн гэнэ. “Өнгөрсөн удаа би Ерөнхийлөгч Барак Обаматай ярилцаж байсан. Гэтэл одоо энэ тэнэг жүжигчид, Брэдли Питтс мэтийн амьтдаас яриа авахаар болж байх шиг байна. За яахав. Түүний хувьд их л том од юм байгаа биз. Зүгээр дээ” гэжээ. Брэдийн хувьд юу ч сонсоогүй мэт дүр эсгэжээ.

Гэтэл Зак уур омог нь багтаж ядсан Брэдийг хамгийн сүүлчийн асуултаараа дэлбэрэхэд хүргэсэн байна. Брэдээс тэрбээр “Хүмүүс таны гаднах байдал дээр хэт анхаарал хандуулснаас болж ямар новшийн жүжигчин гэдгийг чинь бараг анзаардаггүй юм шиг санагддаггүй юу?” гэж асуусны хариуд Питт түүний нүүр рүү амандаа зажилж байсан бохиороо нулимж орхижээ. Нөгөө бохь очоод хөтлөгчийн яг нүдэнд наалдчихжээ. Энэ үед Брэд Питт "Дараагийн асуулт?" хэмээн хэлжээ