ОХУ-ын Ерөнхий сайд Дмитрий Медведийн твиттерийг хакердсан болохыг тус улсын Засгийн газрын хэвлэл мэдээллийн албанаас мэдээллээ. Түүний твиттер хуудаснаа нийтэслсэн үгс худал бөгөөд энэ хэргийг шалгаж эхэлсэн байна. Ерөнхий сайдын твиттерт "Би огцрох гэж байгаа. Би засгийн газрын явуулж буй энэ үйл ажиллагаанаас ичиж байна" гэх зэргээр бичжээ. Тус жиргээг нийт 6200 удаа нийтэлж тараасан бөгөөд хүмүүс янз бүрийн сэтгэгдлүүд үлдээсэн байгаа ажээ.