1991 оноос хойш улсаа удирдсан Нурсултан Назарбаев өнгөрсөн гуравдугаар сард /2019.03.20/ Ерөнхийлөгчийн албан тушаалаа албан ёсоор хүлээлгэн өгсөн билээ. Бүрэн эрхийн хугацаа нь дуусгавар болохоос нэг жилийн өмнө 79 насандаа 30 шахам жил хашсан албаа хүлээлгэж өгөх гэнэтийн шийдвэр гаргасан нь олон таамгийг төрүүлсэн.

Тухайлбал, эрүүл мэндийн шалтгаанаар ажлаа өгч байна гэж зарим хэвлэл мэдээллийн хэрэгслээр онцолж байсан. Тэгвэл энэ асуудлаар  огцрох болсон шалтгаанаа өөрөө тайлбарлахдаа “Энэ онд гаргасан миний шийдвэр нухацтай шүүн тунгаасан, улс орныхоо тогтвортой байдал, ирээдүй, улс төрийн залгамж холбооны төлөө гаргасан шийдвэр байсан юм” гэсэн байна.