Нурсултан Назарбаевыг улсынхаа төрийн тэргүүний суудлаасаа буусны дараа түүний халааг авч, Казахстаны ерөнхийлөгчийн үүрэг гүйцэтгэж байгаа Касым Жомарт Токаев улс орондоо явагдах ерөнхийлөгчийн ээлжит бус сонгуулийн товыг тогтоон, зарласан билээ.

Харин ерөнхийлөгчийн сонгуульд Казахстаны ”Улы Дала Кырандары” нийгэм, соёлын ардын хөдөлгөөнөөс Садыбек Тугелын нэрийг дэвшүүлсэн байна.

Өдгөө 64 настай Садыбек Тугел нь Үндэсний морин спортын холбооны дэд Ерөнхийлөгч бөгөөд “Улы Дала Кырандары” нийгэм, соёлын ардын хөдөлгөөний тэргүүн аж. Түүнчлэн тэрбээр Зохиолчдын холбооны гишүүний зэрэгцээ “Казанат” сэтгүүлд ахлах редактораар ажилладаг байна.