Казахстаны ерөнхийлөгч Касым-Жомарт Токаев ОХУ-д албан ёсны айлчлал хийжээ. Айлчлалтынхаа үеэр ОХУ-ын Ерөнхийлөгч В.Путинтай хэлэлцээ хийсэн байна. Энэ бол Жомарт Токаевын Казахстаны ерөнхийлөгч болсны дараах албан ёсны анхны айлчлал юм.

Касым-Жомарт Токаев "Казахстан, Оросын харилцаа хоёр орны ашиг сонирхолд нийцэх тул хоёр орны найрсаг харилцааг үргэлжлүүлэхийн төлөө бүх боломжоороо хичээн ажиллана" гэжээ.  Орос, Казахстан хоёр орон олон салбарт хамтран ажиллаж, баялаг туршлага хуримтлуулсан. Хоёр орны засгийн газар 450 гаруй баримт бичигт гарын үсэг зурж, хоёр орны харилцааг бэхжүүлэх асуудлаар хоёр тал олон чухал зорилт тавьсан аж.