Хятадын өмнөд зүгт байрлах химийн үйлдвэрт гарсан дэлбэрэлтийн улмаас 44 хүн амиа алдаж, 640 гаруй хүн гэмтжээ.

“Tianjiayi Chemical” компанийн Янчэнь хотын химийн үйлдвэрт өчигдөр орон нутгийн цагаар 14:50 орчимд дэлбэрэлт болсон байна. Гарсан галыг  шөнийн 3:00 цагийн орчимд унтраажээ. 

Шиньхуа агентлагийн мэдээлснээр нийт 640 хүнийг эмнэлэгт хүргэснээр 32 хүний биеийн байдалд хүнд байгаа гэнэ.

Албан хаагчид ослын шалтгааныг тодруулахаар ажиллаж байна. “South China Morning Post”-ийн мэдээлснээр 2007 онд байгуулагдсан “Tianjiayi Chemical” компани өнгөрсөн жилүүдэд байгаль орчин бохирдуулсан гэх шалтгаанаар зургаан удаа торгуулж байжээ. 

Эх сурвалж: BBC