ОХУ хагас жилийн дараа Дунд болон ойрын зайн тусгалтай пуужингуудыг устгах тухай гэрээний шаардлагуудыг биелүүлэхгүй бол бид хариу арга хэмжээ авна гэж НАТО буюу Умард Атлантын гэрээний байгууллагын Ерөнхий нарийн бичгийн дарга Йенс Столтенберг мэдэгджээ.  

Йенс Столтенбергийн ярьж байгаагаар, ОХУ шинэ пуужингууд байршуулж, өөр бусад зөрчил гаргаж байгааг НАТО олж харж, түүний үр дагаварт дүн шинжилгээ хийж эхэлсэн аж.

“Бид Дунд болон ойрын зайн тусгалтай пуужингуудыг устгах тухай гэрээг хадгалан авч үлдэхийн тулд зэвсэглэлд хяналт тавихад шаардлагатай шилдэг шийдлийг олохоор ажиллаж байгаа” хэмээн тэрбээр хэлсэн байна.