Хонг Конгийн хамгийн баян хүн Ли Ка Шин өөрийн эзэмшилд байдаг үл хөдлөх хөрөнгүүдээс хамгийн өндөр байгууламжуудын нэг болох алдарт “The Center” цамхгийг зарах тохиролцоонд хүрсэн байна. Үнэ нь 5.15 тэрбум ам.доллар хүрснээр дэлхийн үл хөдлөх хөрөнгийн наймааны түүхэн дэх дээд амжилт тогтоожээ. Тус цамхаг нь 111.483 м.кв оффисийн талбай, 1200 м.кв үйлчилгээний талбай 402 автомашины зогсоолтой юм. 1998 онд баригдсан цамхаг нь бүхэлдээ ган хийцтэй гэнэ. Худалдан авагч нь Бээжингийн china energy reserve and chemical group – г тэргүүлдэг Хятад, Хонг Конгийн хөрөнгө оруулагчдын консорциум юм.