БНХАУ-ын дарга Ши Жиньпинтэй АНУ-ын Ерөнхийлөгч асан Барак Обама Бээжин хотод уулзсан талаар “Шиньхуа” агентлаг мэдээлжээ.
Уулзалтын үеэр Ши Жиньпин хэлэхдээ “БНХАУ болон АНУ нь дэлхийн хөгжил цэцэглэлт, энх тайван, тогтвортой байдлыг хангахад чухал үүрэг гүйцэтгэдэг. Хятад болон АНУ-ын урт удаан, тогтвортой хөгжлийг бэхжүүлэх нь хоёр талын төдийгүй дэлхийн бусад улс оронд ихээхэн чухал” хэмээн онцлон тэмдэглэжээ.
Мөн тэрбээр хоёр улсын харилцааг бэхжүүлэхэд гаргасан Б.Обамагийн хүчин чармайлтыг өндрөөр үнэлж, Хятадын Коммунист намын XIX их хурлын үр дүнг түүнд танилцуулжээ.