ОХУ-ын Ерөнхийлөгч Владимир Путин “Gazprom” компанийн Гүйцэтгэх захиралтай ирэх оны төлөвлөгөөнийх нь талаар хэлэлцэхээр боллоо. Ерөнхийлөгчийн хэвлэлийн төлөөлөгч Дмитрий Песковын мэдээлснээр Владимир Путин хэд хэдэн ажлын уулзалт хийх товтой байгаа аж. Улмаар “Gazrpom”-ийн Гүйцэтгэх захирал Алексей Миллертэй уулзаж, тус компанийн энэ оны ажлын гүйцэтгэл, ирэх оны зорилтынх нь талаар ярилцахаар төлөвлөөд байгаа юм. Үүнээс гадна ОХУ-ын Төрийн тэргүүн Хамтын аюулгүй байдлын гэрээний байгууллагын Ерөнхий нарийн бичгийн даргатай Беларусийн нийслэл Минск хотод уулзахаар болжээ. Тус байгууллага 2002 онд үүсгэн байгуулагдаж байсан бол хамтын аюулгүй байдлын гэрээг 1992 онд Ташкентад гарын үсэг зуран, баталгаажуулж байжээ.