Германы эрх баригчид хүүхдүүдэд зориулсан ухаалаг бугуйн цаг борлуулахыг хориглолоо. Учир нь хамгаалалт муутай эдгээр төрлийн төхөөрөмжүүд нь хэрэглэгчийн мэдээллийг хялбархан алддаг гэж үзжээ.

Тухайлбал, ухаалаг цаг дахь “GPS”-ийг хакерууд эвдэж тухайн хүүхдийн байршлыг эцэг, эхэд нь өөрчилж харуулах зэргээр мэдээллийг ашигладаг байна. Мөн хүүхдүүдэд зориулсан ухаалаг төхөөрөмж дээр байгаа мэдээллүүд ямар ч хяналтгүй өөр төхөөрөмж рүү хуулагдах тохиолдол гарчээ. Иймд хүүхэд хулгайлах гэмт хэрэг, мөн хүүхдийн эрүүл мэндэд хортой зэргийг үндэслэн эрх баригчид ийм шийдвэр гаргасан байна.