Яг энэ цаг мөчид манай оронд л жавар тачигнаж, гадаа “тас няс” хийж байна гэж бодож байна уу. Монгол орны идэр есийн хүйтэн Оросын Оймякон тосгоны өвөлтэй харьцуулахад дулаахандаа тооцогдоно. Энд 1924 оны өвөл хамгийн хүйтэн буюу −71.2 градус хүрч байжээ. Мөн нэгдүгээр сарын дундаж температур -50°C хүрэх нь хэвийн үзэгдэл юм.

Оймякон нь дэлхий дээрх хүн ам суурьшсан хамгийн хүйтэн тосгон хэмээн тодорхойлогдоод буй. Шинэ Зеландын гэрэл зурагчин Амос Чаппл энд хоёр хоногийн аялал хийж гэрэл зургийн дурандаа ийнхүү буулгажээ.

Тэрээр "Намайг анх очиход –47 градус байсан. Би хөлөө арай ядан мэдэрч байлаа. Нэг удаа шүлс минь хөлдөөд уруулыг минь эсгэхээ шахсан" хэмээн сэтгэгдлээ хуваалцжээ. Мөн түүний хувьд хүйтэн цаг агаар гол асуудал байсангүй, харин гэрэл зургийн аппаратаа фокусыг нь тааруулж, хэвийн ажиллуулах л хэцүү байсан гэнэ.