Энэ сарын 25-нд дууссан Европын парламентын найм дахь удаагийн сонгуулийн ирц анх удаа өссөн тухай эх сурвалж мэдээлж байна. Европын Зөвлөлөөс танилцуулсан сонгогчдын ирцийн мэдээнээс харвал, Европын Холбооны гишүүн 28 орны сонгуулийн дундаж ирц 43,11 хувьтай байв. 2009 оны сонгуулийн ирц 43 хувьтай байсан юм. Бельги, Люксембург улсад сонгуулийн ирц хамгийн өндөр буюу 90 хувьтай байсан бол Словак улсын сонгогчдын ердөө 13 хувь нь сонгуульд оролцсон байна.