ОХУ-ын Батлан хамгаалахын сайд Сергей Шойгугийн тушаалаар Украинтай хил залгаа нутагт байрлаж байсан цэргээ эргүүлэн татаж эхэлсэн гэж Батлан хамгаалах яамны хэвлэлийн албанаас “ИТАР-ТАСС” агентлагт мэдээлсэн байна. Мөн “Reuters” агентлаг, ОХУ Украинтай залгаа хил орчмоос танкуудыг буцаан татаж байгаа тухай мэдээлэв. ОХУ-ын Батлан хамгаалахын дэд сайд Анатолий Антонов “BBC” телевизэд ярилцлага өгөхдөө, манай цэрэг байрлалаа орхиж байгаа. Ерөнхийлөгч В.Путин тушаал өгмөгц л шууд цэргээ эргүүлэн татаж эхэлсэн гэв. ОХУ цэргээ эргүүлэн татаж байгааг Украины тал мөн батлав.