ОХУ-ын Ерөнхийлөгч В.Путин Москва хотноо албан ёсны айлчлал хийж байгаа БНХАУ-ын Гадаад хэргийн сайд Ван Иг хүлээн авч уулзлаа. Тус уулзалтын үеэр хоёр улсын хооронд зохиогдох олон ажлуудын талаар ярилцсан бөгөөд 2016 онд В.Путин Хятад улсад айлчилна гэдгээ мэдэгджээ. Энэ үеэр В.Путин хоёр улс хооронд найрсаг, халуун дотно, албаны болон хувийн харьцаа бий болж байгааг дурдаад олон улсын тавцанд болон эдийн засаг хүмүүнлэгийн салбарт хоёр улс амжилттай хамтран ажиллаж, хоёр улсын стратегийн түншлэлийн харилцаа эрчимтэй хөгжиж байгааг онцлон тэмдэглэжээ.