Хэлэлцээнд ОХУ-ын Эрчим хүчний сайд Александр Новак, Гадаад хэргийн сайд С.Лавров, Сангийн сайд Антон Силуанов, Эдийн засгийн хөгжлийн сайд Алексей Улюкаев, Газпром компанийн ерөнхийлөгч Алексей Миллер болон эдийн засгийн бусад мэргэжилтэн оролцоно. Энэ удаагийн гурван талын хэлэлцээнд ОХУ, Украины хий нийлүүлэх гэрээг хэрэгжүүлэхэд тулгарч буй асуудал, Европ руу холбосон хийн хоолойн асуудал, Украины санхүүгийн нөхцөл байдал, хийн төлбөрийн асуудлыг хэлэлцэх юм. “Газпром” компанийн мэдэгдэж буйгаар, Украин улс тус компаниас авсан хийн төлбөр нийт гурван тэрбум 400 сая долларт хүрсэн байна.