Сая гаруй хүнтэй Улаанбаатарыг маань хүн ам нь ихэдсэн гээд байдаг, гэтэл цаана чинь 130 сая хүн амьдрах үлэмж том хот сүндэрлэх нь.

Мэдээж, энэ аварга хот  Хятадад босно. Дэлхийн хамгийн олон хүнтэй 1 тэрбум 400 сая хүнтэй улс л ийм хот байгуулах нь ойлгомжтой.
 
Жин-Цзинь-жи гэдэг энэ хотын талбай нь 6 ширхэг Нью-Йорктой тэнцэнэ гээд төсөөл дөө. Жин-Цзинь-жи хотын талбай 136 мянган км2, энэ нь Москва хотыг ойр орчмын газартай нь нийлүүлснээс 55 дахин их.

Аварга хот Бээжинг хөрш хотууд ба мужуудтай холбох аж. Тодруулахад, одоогоор Бээжинд 22 сая, Хэбей 14 сая, Тяньцзинь муж 72 сая хүн амьдардаг. Энэ төслийн хүрээнд Бээжингээс захиргааны байгууллагууд болон 1200 үйлдвэр, 50 эмнэлгийг Хэбэй муж руу шилжүүлэх аж.

Аварга хотын төслийг арваад жил хэлэлцсэний эцэст 2015 онд л баталжээ. Жин-Цзинь-жи хотод 2022 оны Өвлийн Олимп явуулахаар өрсөлдөх гэнэ.