Буриадын гаалын ажилтанд албан үүргээ гүйцэтгэж байх үед нь авлига өгөхийг завдсан Монгол Улсын иргэнийг буриадын гаалийн авлигатай тэмцэх хэлтэс шалгаж эхэлсэн байна. baikal-media.ru сайтад бичсэнээр бол Хиагтын боомтоор ачааны машинаар нэвтрэх гэж байсан Монгол Улсын иргэн 49 настай эрэгтэй  гаалийн журам зөрчиж үүний нь төлөө хариуцлага оногдуулах гэсэн байцаагчид дугтуйтай 6000 рубль өгөхийг завджээ. Албан ажлаа хийж байсан Оросын гаалийн ажилтан үүнийг нь авалгүй зохих журмын дагуу шаардлага тавьж холбогдох албан тушаалтанд мэдэгдсэн байна. Буриадын Хиагт боомт нь ажиглалтын камераар бүрэн тоноглогдсон тул энэ бүхий л байдлыг баримтжуулан эрүүгийн хэрэг үүсгэсэн байна.