Парис хотноо олимпын наадмыг 3 дахь удаагаа зохион байгуулж байгаа ба олимпын нээлтийн ёслол нь анх удаа цэнгэлдэх хүрээлэнд бус үзэсгэлэнт Сена мөрний дагуу болсноороо онцлогтой байв.

Олимпын наадамд оролцох нийт 184 улсын 10,500 тамирчин Сена мөрний дагуу 6 км замаар үргэлжлэх 160 завиар парад хийж оролцов.

Сонирхол татсан нэг зүйл нь олимпын нээлтийн үеэр таван цагаригийг буруу харуулан мандуулсан талаар иргэд цахим орчинд шүүмжилж байв. 

Энэ удаагийн зуны олимп нь 2024 оны долдугаар сарын 26-аас наймдугаар сарын 11-ний өдрүүдэд болох ба манай улсын тамирчид чөлөөт бөх, жүдо бөх, бокс, буудлага, байт харваа, усанд сэлэлт, дугуй, хөнгөн атлетик, хүндийн өргөлт зэрэг спортын 9 төрөлд 33 эрх авч оролцож байна.