Селин Дион Парисын олимпод дуулж, олны анхаарлыг татав
Парисын олимпын нээлтийн ёслолын үеэр алдарт дуучин Селин Дион дуулав. Тэрбээр хөшүүн хүний хам шинж буюу гэнэт булчин нь хөшдөг өвчнөөр шаналж буй бөгөөд биеийн байдал нь сайжирч, тайзнаа эргэн ирж буй талаар дэлхийн хэвлэлүүд мэдээлж буй.
Селин Дионыг Леди Гагатай дуэт дуулна гэж шуугьж байсан ч тэрбээр Эйфелийн цамхаг дээр ганцаараа дуулж, дөрвөн цаг үргэлжилсэн олимпын нээлтийн арга хэмжээг дээд цэгт нь хүргэв.
Тэрбээр Эйфелийн цамхгийн нэгдүгээр давхарт, гэрэлтдэг олимпын цагиргуудын дор төгөлдөр хуурчийн хамт зогсож Эдит Пиафын сонгодог "L'Hymne à l'Amour" дууг дууллаа.
"Хайртай Селин Дионоо хараад миний гар чичирч, би уйлж байлаа" гэж бичжээ.
Хөшүүн хүний хам шинж өвчин нь ховор тохиолддог мэдрэлийн эмгэг бөгөөд булчингуудыг сулруулдаг тул түүний хоолойд нөлөөлсөн. Өдгөө 56 настай тэрээр өнгөрсөн зургадугаар сард ВВС-д өгсөн ярилцлагадаа хоолойгоо "сэргээх" эмчилгээ хийлгэсэн нь дахин дуулахад нь тусалсан гэжээ.
Канадын Ерөнхий сайд Жастин Трюдо "Тэр бол Канадын бэлэг тэмдэг, гайхалтай авьяастан бөгөөд өнөө орой тэнд байхын тулд маш их зүйлийг даван туулсан" гэж хэлсэн. Тэрээр нэмж "Селин, чамайг дахин дуулахыг харахад үнэхээр сайхан байна” гэжээ. Италийн дуучин Лаура Паусини "Хайртай Селин Дионоо хараад миний гар чичирч, би уйлж байлаа" гэж бичжээ.
Сүүлийн өдрүүдэд Селин Дионы байрлаж буй зочид буудлынх нь гадаа олон шүтэн бишрэгчид нь түүнийг харахаар хүлээсэн байна.
Эх сурвалж: BBC
![](https://www.arslan.mn/files/banner/4gckvvmc1p.gif)
![Like an post](templates/img/comment/like.png)
![Love an post](templates/img/comment/love.png)
![haha an post](templates/img/comment/haha.png)
![wow an post](templates/img/comment/wow.png)
![yay an post](templates/img/comment/yay.png)
![sad an post](templates/img/comment/sad.png)
![ouch an post](templates/img/comment/ouch.png)
![confuse an post](templates/img/comment/confused.png)
![angry an post](templates/img/comment/angry.png)