Энэ онд ажил үүргээ гүйцэтгэж явсан мэргэжлийн 50 сэтгүүлч бусдын гарт амиа алджээ.

Тус мэдээллийг Парист төвтэй Хил хязгааргүй сэтгүүлчид гэх байгууллага олон нийтэд мэдээлсэн бөгөөд энэ оны үзүүлэлт сүүлийн 14 жилээс хамгийн бага нь байсныг цохон тэмдэглэсэн байна.

Сирид энэ онд 12 сэтгүүлч амь үрэгдэж, сүүлийн зургаан жилд сэтгүүлчдэд хамгийн аюултай газраар нэрлэгдсэн. Харин Мексикт улс төр, авилга, хар тамхины мафын талаар бичдэг 11 сэтгүүлч хорлогдсон байна. Энэ жил амиа алдсан эмэгтэй сэтгүүлчдийн тоо таваас 10 болж өссөн тухай мэргэжилтнүүд онцолжээ. 

Эх сурвалж: Times.mn