Дэлхий даяар он гарснаас хойш 58 сэтгүүлч амь үрэгдсэн тухай ОХУ-ын Сэтгүүлчдийн холбооны XII их хурлын үеэр Олон улсын сэтгүүлчдийн холбоо (ОУСХ)-ны ерөнхий нарийн бичгийн дарга Энтони Беланже мэдэгдэв. “Амь үрэгдсэн 10 сэтгүүлчийн араас ердөө ганц удаа л мөрдөн шалгалт явуулсан нь маш бага бөгөөд том асуудал” гэж тэрбээр хэлжээ.

Сэтгүүлчдийн аюулгүй байдлыг хангахад чиглэсэн хуулийн төслийг ОУСХ боловсруулж, НҮБ, хамгийн нөлөө бүхий орнууд, тухайлбал, ОХУ-ын удирдлага өргөн барьсныг Э.Баланже тэмдэглэв. Байгууллагынх нь хувьд бас нэг тулгамдсан асуудал нь эмэгтэй сэтгүүлчдийн эсрэг хүчирхийлэл бөгөөд томоохон мөрдөн шалгалт явуулснаа тэрбээр онцолжээ. Ажил үүргээ гүйцэтгэж явах үедээ тэд бэлгийн болон сэтгэл зүйн хүчирхийлэлд өртөж, үг хэлээр доромжлуулан, халдашгүй байж чаддаггүйг уг судалгаа харуулсан гэнэ.

Эх сурвалж: ӨНӨӨДӨР сонин