Тансаг хэрэглээний бүтээгдэхүүнээрээ алдартай  "Tiffany and Co"   компани 1837 оны энэ өдөр байгуулагджээ. Чарльз Тиффани, Жон Ёнг нарын хамтран байгуулсан тус компани сонгодог хар хөх өнгөөрөө олонд илүүтэй танигдсан. Учир нь тус брэндийн дэлгүүрээс дээд зэрэглэлийн эрдэнэсийн гоёлоос эхлээд үнэ хямд бүтээгдэхүүний алийг нь ч авсан хар хөх өнгийн гоёмсог хайрцаг, торгон туузаар ороож өгдөг юм. Түүхэн дэх хамгийн нэртэй үнэт эдлэлийг тус компани үйлдвэрлэсэн бөгөөд тэрхүү гоёл нь Одри Хепбернийг бүр ч илүү алдартай болгосон гэдэг.