БНСУ-ын уран гулгагч Ким Юна Солонгосын “Elle” сэтгүүлийн шинэ дугаарын нүүрийг чимжээ. Ким Юна нь Сочигийн Олимпийн наадмаас мөнгөн медаль хүртэж, 24 насандаа зодог тайлсан юм. Зодог тайлсан тухайгаа ярихдаа “Би мөнгөн медалиа огтхон ч чамлаагүй, харамсах зүйл байхгүй. Одоо би эрх чөлөөтэй боллоо” хэмээсэн байна. “Мөсний хатан” Ким Юна "Ванкувер-2010", "Сочи 2014" наадмаас алт, мөнгөн медаль хүртэж, дэлхийн аварга цолыг хоёр удаа (2009, 2013) хүртсэн. Мөн тэрбээр ДАШТ-ий хоёр мөнгө, хоёр хүрэл медальтай юм.