Өнгөрөгч амралтын өдөр Төв аймгийн Сэргэлэн сумын "Шунхлай" ШТС-ын түгээгчийн амь насанд хүрсэн хэрэг гарчээ. Хэргийн талаарх дуудлага ням гаригийн 23.45 цагийн орчимд ирсэн бөгөөд Төв аймгийн цагдаагийн хэлтсээс хэргийн газар очиход ШТС-ын түгээгч 35 настай Ц нь нас барьсан байжээ.

Гэмт этгээд Ц хутгалж амь насыг нь хохироогоод орлогын мөнгө болох 1240000 төгрөгийг авч зугтсан болохыг албаныхан мэдэгдэж байна. Одоогоор хэргийг Төв аймгийн цагдаагийн хэлтэс, Улсын мөрдөн байцаах газрын Онц хүнд зохион байгуулалттай гэмт хэрэгтэй тэмцэх тасаг, Эрүүгийн цагдаагийн газрын албан хаагч нар шалгаж байгаа юм. Мөн гэмт этгээдийг орон даяар эрэн сурвалжилж байгаа аж.