Бүтэн тив тойролгүйгээр Атлантын далайгаас Номхон далайд нэвтрэх боломжтой Панамын суваг 1914 оны наймдугаар сарын 15-ны энэ өдөр нээгджээ. 12875 км замыг товчлох боломж олгож, дэлхийн усан тээвэрт маш том тус хүргэсэн тус сувгийн ажлыг 1880 онд Франц улс эхлүүлсэн боловч амжилтгүй болж, Америкчууд үргэлжлүүлэн барьж байгуулсан юм.

2008 оны байдлаар Панамын сувгаар 815 мянгаас ч илүү усан онгоц дамжин өнгөрч, 310 сая гаруй ачаа тээвэрлэсэн байна. Дэлхийн далайн тээвэрт гарч байгаа танкер онгоцуудын 50 хувь нь тус сувгаар дамжин өнгөрдгөөс үүдээд 2025 он гэхэд Панамын сувгийн хүчин чадлыг хоёр дахин нэмэхээр болсон аж.