Өнөөдөр олон улсын Солгой гартнуудын өдөр тохиож байна. Эв дүй муутай хүнийг солгой гэхээс эхлээд дэлхийн солгой гартай олон хүмүүст таагүй хандаж ирсэн нь ажиглагддаг. Мөн Христийн шашинт орнуудад муу ёрын буюу Сатан солгой гартай байсан хэмээн таагүй үздэг байна.

Дэлхийн хүн амын арав гаруй хувь нь солгой гартай учраас энэ өдрийг тэмдэглэн өнгөрүүлэх нь солгой гартай хүмүүст тулгардаг асуудлыг шийдвэрлэх зорилготой юм. Дэлхийд алдартай солгой гартнуудаас дурдвал Леонардо Да Винчи, Бетховен, Микеланжело, Барак Обама, Билл Гейтс, Анжелина Жоли нараас эхлээд Аристотель, Юлий Цезарь зэрэг олон хүнийг нэрлэж болно.