Холливудын алдарт жүжигчин, олон охидын краш Тимоти Чаламе реалити шоуны од Кайли Женнертэй үерхэж байгаа нь илт боллоо. Тэднийг хайр дурлалын харилцаа эхлүүлсэн гэх цуурхал өнгөрсөн дөрөвдүгээр сараас хойш явсан.

Зарим сэтгүүлүүд тэдний харилцааг энгийн байгаа гэж мэдээлж байсан юм. Тэгвэл тэд дуучин Бейонсегийн Лос-Анжелест хийсэн тоглолтод хамт оролцож, их дотно байсныг нь папараццичид бичлэг хийж авчээ.

Бейонсегийн тоглолтод хамт очихоос өмнө хосууд хэд хэдэн удаа хамт гадуур явж байхдаа зурагчдын дуранд өртсөн. Мөн наймдугаар сард Кайли Тимотигийн гэрт очсон юм.