Владимир Путин  ОХУ-ын ерөнхийлөгчийн тангараг өргөж, дөрөв дэх бүрэн эрхийн хугацаагаа эхлүүлэхэд зориулж анх удаагаа Орост үйлдвэрлэсэн лимузин автомашин хөлөглөж, Кремлийн их ордонд ирсэн билээ. Зөвлөлт Холбоот Улс задарснаас хойш Оросын бүх удирдагчид гадаад үйлдвэрийн автомашин ашигладаг байсан.

“Кортеж төсөл” нэрийн дор бүтээгдсэн уг машиныг Оросын НАМИ (Автомашин, Авто Хөдөлгүүр Судлалын Төв Хүрээлэн) төрийн өмчийн байгууллага, дотоодын олон авто үйлдвэрийн хувийг эзэмшдэг Соллерс компани хамтран бүтээжээ.

Энэхүү Ерөнхийлөгчийн Мерседес Бенз S600 загварын хуягласан лимузин нь сум үл нэвтрүүлэх хуяг бүхий материалаар хийгдсэн ба сум үл нэвтрүүлэх шилний зузаан нь 6см бөгөөд 6,2м урт машин юм байна. Тус машины жин нь 3тонн ба хаалга тус бүр нь 160кг жинтэй V12 хөдөлгүүртэй аж.

2012 онд ерөнхийлөгчийн тангараг өргөснийхөө дараа Владимир Путин дотоодын үйлдвэрийн автомашин хөлөглөдөг болох санаа гаргаж, Котежийг зохион бүтээх ажил эхэлсэн гэдэг.