Walt Disney компани Холливудын нэрт жүжигчин Жонни Деппийг "Карибын тэнгисийн дээрэмчин" киноны шинэ ангид урихгүйгээр 90 сая орчим ам.доллар хэмнэж чаджээ. Энэ талаар Америктийн Forbes сэтгүүлд мэдээлсэн байна. 

Гэхдээ Деппийг тоглуулаагүйгээс болж тус компани их хэмжээний алдагдал хүлээх магадлалтай байна. Учир нь сүүлийн жилүүдэд хувийн олон асуудалтай байгаа алдарт жүжигчний дүргүйгээр энэхүү киног төсөөлөхөд бэрх билээ. 

Жонни Депп алдарт "Карибын тэнгисийн дээрэмчин" кинонд тоглохгүй гэдэг нь өнгөрсөн сарын 22-нд тодорхой болсон юм.