Өчигдөр болж өндөрлөсөн хөл бөмбөгийн ДАШТ-2018 тэмцээний финалын шатны тоглолтын үеэр ОХУ-ын хоёр иргэн талбай дээр гарч ирэн тоглолтыг түр саатуулсан нь тус тэмцээний түүхэн агшнуудын нэг болж үлдэв. Талбайд цагдаагийн хувцас өмссөн эрэгтэй, эмэгтэй хоёр гарч ирсэн нь олны анхаарлыг ихэд татсан бөгөөд тэдний зураг хэдийнээ цахим ертөнцөд "хамгийн аз жаргалтайгаар талбайгаас хөөгдөгсөд" хэмээх тайлбартайгаар тарж эхлэв. Цагдаагийн хувцас түрээслэн уг үйлдлийг хийсэн тэднийг ОХУ-ын нэр хүндийг гутаасан хэмээн буруутгаад буй бөгөөд тэд хариуд нь "Бид Орос улсаа л дэмжиж байгаа" хэмээн хариулсан байна.