Өмнөд Солонгосын бага, дунд, ахлах сургуулиудын цайны газарт кофе зарахгүй байх журмыг есдүгээр сарын 14-нөөс мөрдөж эхлэх гэнэ. Тус улсын Засгийн газраас хүүхдүүдэд эрүүл, зөв хооллолтын хэв маягийг хэвшүүлэх үүднээс ийм шийдвэр гаргасан байна. Хүүхдүүдийг эрүүл мэндийн аливаа эрсдлээс хамгаалах үүднээс энэ оны эхээр сургуулиудын цайны газруудад хүч чадлын ундаа буюу energy drink зарахыг хориглож байв. Түүнчлэн түргэн хоол, чихэрлэг зүйлс, кофены найрлага бүхий хүнсийг телевизээр сурталчлахыг хориглож байжээ.