Тансаг зах зээлийн тэргүүлэгчдийн нэг, Францын Chanel компани 108 жилийн түүхэнд анх удаа санхүүгийн тайлангаа танилцууллаа. Тус компанийн борлуултын орлого 2017 онд 11 хувиар өсөж, 9.2 тэрбум ам.долларт хүрсэн байна. Харин үйл ажиллагааны ашиг нь 2.6, бэлэн мөнгөний нөөц нь 1.6 тэрбум ам.доллартай тэнцжээ. Ингэснээр Chanel компани дэлхийд орлогоороо тэргүүлэгч брендүүдийн нэг гэдгээ баталлаа. Өөрөөр хэлбэл тус компани орлогоороо Gucci-г гүйцээд зогсохгүй Louis Vuitton-той эн зэрэгцжээ.

Тус компанийн бүтээгдэхүүний эрэлт өссөнөөс гадна хөрөнгө оруулалтаа нэмсэн нь санхүүд эергээр нөлөөлснийг шинжээчид онцолж байна. Chanel компани өнгөрсөн онд маркетинг, зар сурталчилгаа, загварын шоу, олон улсын арга хэмжээ зохион байгуулах зардлаа 15 хувиар өсгөжээ.

Түүнчлэн тус компани бүх бизнесээ нэгтгэх зорилгоор Chanel Limited нэртэй шинэ холдинг компани байгуулснаа зарласан байна. Лондонд төвтэй тус компани нь 20 мянган ажилтантай юм.