Гадаад паспорт нь дэлхийд хамгийн хүчтэйд тооцогддог орнуудын нэг бол Австрали юм. Тус улсын иргэд дэлхийн 174 оронд визгүй зорчдог бөгөөд паспортын энэхүү үзүүлэлтээрээ тэд Бельги, Грек улсуудтай цуг эхнээсээ зургаадугаарт эрэмбэлэгддэг байна.

Харьцуулбал Япон, Сингапурын иргэд 180 оронд визгүй зорчих эрхээрээ дэлхийд тэргүүлдэг юм.

Хэдийгээр дэлхийн улс орнуудын бараг 90 хувь нь Австраличуудад хаалгаа дэлгэдэг ч тэдэнд бас хатуурхдаг улс орнууд байсаар байгаа гэнэ.

Тус улсын аялал жуулчлалын Traveller.Com.AU сайт иргэд нь зорчих виз авахад хамгийн өндөр өртөгтэй 10 орныг жагсаахад Монгол улс нэгдүгээрт оржээ.

Австралийн иргэн Монгол улсад 30 хоног зорчих нэг удаагийн виз авахад 230 австрали доллар ($170) төлөх хэрэгтэй болдог гэнэ.

Тус сайтаас гаргасан Авсраличуудын хувьд зорчиход хамгийн өндөр босготой 10 орныг жагсаавал (зардал нь Австрали доллараар):

1. Монгол $230
2. Судан $199
3. Энэтхэг $196
4. Нигери $182
5. Буркина Фасо $180
6. Парагвай $174
7. Чили $151
8. Уганда $150
9. Бангладеш $145
10. Габон $136

Эх сурвалж: IKON.MN