АНУ-ын“Orion Span” старт-ап компани сансарт анх удаа тансаг зэрэглэлийн зочид буудлын үйлчилгээ явуулах төлөвлөгөөгөө танилцууллаа. “Autora Station” гэх тансаг зочид буудлынхаа үйл ажиллагааг 2021 оны эцсээр нээж, 2022 оноос анхны үйлчлүүлэгчээ авахаар төлөвлөж байгаа юм байна.

Эх дэлхийгээс 321 км-ийн зайд байрлалтай, энэхүү зочид буудал нь нэг ээлжид зургаан зочин хүлээн авах боломжтой бөгөөд 12 өдрийн турш сансарт аялах боломжийг олгох юм. Нэг хүний зардал ойролцоогоор 9.5 сая ам.доллараас эхлэх бол нэг шөнийн зардал нь 792 мянган ам.доллартай тэнцэх юм байна.