Хойд Солонгосын нийслэл Пхеньян хотноо 13 жилийн дараа Өмнөд Солонгосын томоохон урлагийн баг Бид бол нэг хэмээх тоглолтоо хийсэн билээ.

Сөүл ийнхүү уран бүтээлчдээ Пхеньян руу илгээсэн нь өнгөрсөн хоёрдугаар сард Пёнчан хотноо болсон 23 дахь өвлийн олимп руу Хойд Солонгосын эрх баригчид баг, тамирчдаа илгээсний хариуг ийнхүү ая, дуугаараа барьсан юм.

Өмнөд Солонгосын 160 гишүүнтэй урлагийн баг өнөөдөр нутаг буцацгаасан байна. 

Хойд Солонгосын залуу удирдагч Ким Чен Ун уг тоглолтыг биечлэн үзсэн нь нэр хүндийн хэрэг байсан хэмээн Өмнөд Солонгосын Соёлын яамнаас мэдээлжээ.