Их Британи улсын нийслэл Лондон хот, Английн зүүн-өмнөд болон зүүн нутагт даваа гарагаас их хэмжээний цас орж, цасан шуурга шуурах төлөвтэй байна гэж баасан гарагт Их Британийн цаг уурын албанаас сэрэмжлүүлсэн тухай “BBC” мэдээлэв.

Энэ долоо хоногийн эхээр хүйтний эрч нэлээд чангарах төлөвтэй байгаа бөгөөд даваа, мягмар гарагт зарим газраар 10 сантиметр хүртэл зузаан цас унах төлөвтэй байгаа ажээ.