Facebook-ийг үндэслэгч Марк Цукерберг мөрөөдлөө биелүүлж Калифорни мужийн Пало Алтод 7 сая ам.доллараар байшин худалдаж авчээ. Харахад маш энгийн барууны оддын үнэтэй тансаг харштай харьцуулбал хувийн хөрөнгө гэж бараг хэлмээргүй түүний сонголт эко шийдэл агуулснаараа онцлог юм. 5000 метр талбайтай, унтлагын өрөө гэхэд 5 хэсэгтэй энэхүү байшинг сошиал медиа хэрэглэгчид маш энгийн гэж дүгнэсэн байна. Харин Цукерберг ажил, гэр хоёрын хооронд ирж очих хугацааг хэмнэж чадсандаа баяртай байна гэжээ.