Өмнөд Солонгосын Пёнчан хотноо болж байгаа. Өвлийн 23 дахь удаагийн Олимпийн наадамд Оросын баг тамирчид допингийн асуудлаас шалтгаалан улсынхаа нэрэн дор, туг далбаан дор оролцох эрхгүй болж, ОУОХ-ны туг далбаан дор, цагаан хуудсаар оролцож байгааг үзэгч та мэдэж байгаа.

Тэгвэл Оросын баг тамирчид “Олимпийн Оросын баг” гэсэн нэрэн дор Пёнчаний Олимпод оролцож байгаа хэдий ч бүх зүйлийг төгс зохион байгуулахаар тэмүүлж байна. Өмнөд Солонгосын Каннынд Оросын баг тамирчдаа дэмжих сангаас зохион байгуулж, Олимпийн хотхонд “Спортын өргөө” бий болжээ. Оросын тамирчдыг дэмжих, улс орноо сурталчлах зорилготой “Спортын өргөө” Пёнчаний Олимпийн наадам дуусах хүртэл буюу энэ сарын 25-ныг хүртэл ажиллана.