Гэр бүлээ цуцлуулаад Холливудын жүжигчин Брэд Питт сэтгэл судлаачдын туслалцааг авахад хүрсэн. Од эхнэрээсээ салах үйл явцыг нэг жилийн өмнө эхлүүлсэн Брэд одоог хүртэл тайвширч чадахгүй байгаа аж. Сэтгэл санаагаа тайван болгохын тулд тэрбээр сэтгэлзүйчтэй тулж ажиллахад хүрчээ.

53 настай Питт Жоли тэр хоёрын амьдралд маш олон асуудал байсан гэдгийг сэтгүүлчдэд өгүүлсэн удаатай. Гэр бүлийн ярвигтай асуудлуудаас болж Холливудын секс бэлгэдэл болсон залуу архинд хүртэл орсон аж.

Жолитой амьдарсан он жилүүдээ тэрбээр “Тамын 12 жил” гэж хэлжээ.

Өдгөө Питт шинэ харилцаа үүсгэсэн аж. Түүний сонгосон бүсгүй бол Британийн 21 настай жүжигчин Элла Пернелл гэнэ. Питт өдгөө киноны продюссерээр ажиллаж байгаа бол Пернелл гол дүрийг нь бүтээж байгаа аж. Жолигийн хувьд тэрбээр хүүхдүүдээ харж, халамжлах ажилд хамаг анхаарлаа зориулж суугаа юм.