Энэ сарын 10-ны өдөр Өвөр монголын  эвлэлийн хороо, залуучуудын холбооноос санаачлан өвөр монголын 70 хос залууг Далан хар уулын энгэрт нэгэн зэрэг хуримлуулжээ. Малчин, тариачин, соёлын салбар, сурган хүмүүжүүлэх чиглэл, арилжаа худалдаа, цэрэг цагдаа, шинжлэх ухааны салбарт ажиллаж, бусдыгаа тэргүүлж буй 70 хос ийнхүү хайраа холбож зовлон жаргалаа нэгтгэлээ.

Хуримын ёслолын үеэр 70 хос шинэ хүн “Хайрын мод ”-ыг тарин, монгол үндэстний хуримын хувцас засал ба орчин үеийн хуримын хувцсаар гоёсон байв. Тэдний хуримыг ёслолд ахмад настан ерөөл уншин, амьдралд нь аз жаргалыг хүсчээ. 

Эх сурвалж: Өвөр Монголын өдрийн сонин