Marieclaire эмэгтэйчүүдийн сэтгүүлээс бүх цаг үеийн сайхан үнэтэй даашинзны жагсаалтыг гаргалаа. Энэ жагсаалтад орсон даашинзуудыг аллдартай жүжигчин бүсгүйчүүд өмссөнөөр үнэ цэнэ нь нэмэгджээ.

Салхинд дэрвэсэн цагаан даашинз

Жүжигчин Мэрилин Монрогийн “The seven years itch” кинонд тоглоходоо өмссөн богино цагаан даашинз дуудлага худалдаагаар 4,6 сая ам.доллараар үнэлэгдсэн. Уг даашинзны хормой нь дэрвэж буй агшин жүжигчин бүсгүйн хамгийн алдартай зурагт тооцогддог.

Гар хатгамалтай ногоон  даашинз

Энэ жагсаалыг жүжигчин Николь Кидманы 1997 онд Оскарын шагнал гардуулах ёслолд өмссөн ногоон даашинз тэргүүлж байна. Christian Dior-ийн загвар зохион бүтээгч Жон Галлианогийн оёсон энэхүү даашинзыг хоёр сая ам.доллараар худалдаж авч байжээ. Бие барьсан уг даашинз нь энгэр дээрээ гараар хатгасан үүлэн хээтэй бөгөөд гал, шувууг дүрсэлсэн байдаг.

Тариачны энгийн даашинз

Франц жүжигчин Жули Эндрюсийн 1965 онд “Траппын гэр бүл” кинонд тоглохдоо өмссөн энгийн тариачин эмэгтэйн даашинз дуудлага худалдаагаар чамгүй өндөр үнэ хүрчээ. Ямар нэг эрдэнийн чулуу, тансаг загваргүй ч 1,56 сая ам.долларт хүрсэн байна. “Траппын гэр бүл” кино нь Германы дуучин хос дайнаас зугтан АНУ-д амьдарч буй тухай гардаг мюзкил юм.

Гоо бүсгүйн даашинз

Дэлгэцнээ 1961 онд гарсан “Триффанид барьсан өглөөний цай” кинонд жүжигчин Одри Хэпбурнийн өмссөн хилэн хар даашинз 900 мянган ам.доллараар үнэлэгдсэн. Уг даашинзыг 2006 онд буяны санд зориулсан дуудлага худалдаагаар зарсан байна.

Гүнжийн хуримын даашинз

Их Британийн гүнж Кэйт Миддлтоны хуримын тансаг даашинз 318 мянган ам.долларын үнэтэй. Alexander McQueen-ийн 2011 онд дурласан энэ даашинзыг Букинхэмийн ордны үзүүлэнгийн танхимд байрлуулснаар тус оронд ирэх жуулчдын тоо нэмэгджээ.