Америкийн нэрт жүжигчин Жорж Клунигийн эхнэр Амал Клуни нярайлжээ. Тэрбээр хоёр ихэр хүүхэд төрүүлсэн байна. Ихрийн эмэгтэйд нь Элла, эрэгтэйд нь Александер гэдэг нэр өгчээ.

Ж.Клунигийн хэвлэлийн төлөөлөгчийн ярьснаар, Амал өчигдөр өглөө Лондон хотод амаржсан байна. Өдгөө 56 настай Ж.Клуни, 39 настай өмгөөлөгч Амал нар 2014 оны есдүгээр сард Италийн Венец хотод гэрлэсэн юм.