Дэлхийн нийслэл, хэзээ ч унтдаггүй хот, том алим гээд олон "цол" гуншингийн эзэн болсон Нью-Йорк хот 1664 оны энэ өдөр Нью Амстердам нэрээ Нью Йорк болгон өөрчилсөн байна. 1625 онд голландчуудын худалдааны бааз болгон байгуулсан тус хот Манхэттен, Броудвей, Уол Стрийт, Эрх чөлөөний хөшөө зэрэг олон зүйлээр дэлхийд танигдсан. Дэлхийн баруун тал бөмбөрцгийн хамгийн өндөр барилгууд энэ хотод байх бөгөөд дэлхийн бүх мөнгөн тэмдэгтийн тал хувь нь энд эргэлддэг гэсэн судалгаа бий.