АНУ-ын Чикаго хотоос 20 бээрийн зайд орших Блүмингдэйлд “Хэн хамгийн олон хотдог идэх вэ” тэмцээн болжээ. Ялагчаар нь хэний ч төсөөлөөгүй  бүсгүй тодорсон байна. Учир нь Мишэлл Леско гэгч 52 кг жинтэй бүсгүй нэг дор 28 хотдог идэж Иллинойз мужийн дээд рекордыг шинэчилжээ. Харин түүнээс дөрөв дахин их жинтэй Эрик Бүүкер гэгч залуу 27 ширхэг хотдог нэг дор идсэн байна.
Өчигдөр болсон тэмцээн нь энэ сарын 04-ний өдөр Нью-Йоркийн Кони аралд болох Нэтэний хотдог идэх уламжлалт тэмцээний оролцогчдыг сонгон шалгаруулах тэмцээн байсан аж. Энэ тэмцээний хамгийн дээд амжилтын Жо Честнат гэгч залуу тогтоож байсан бөгөөд нэг дор 62 ширхэг хотдог идэж байсан аж.