Эзэмшиж байгаа хөрөнгөөрөө дэлхийн эдийн засгийг ганхуулах хэмжээний 50 хүнийг бид та бүхэнд цувралаар танилцуулж байгаа билээ. Тэдгээрийн хөрөнгө Австрали, Испани, Мексик улсын жилийн ДНБ-ээс ч илүү, дангаараа нийт 1,46 триллион ам.долларыг бүрдүүлдэг аж.

2016 оны нэгдүгээр сард шинэчлэн гаргасан энэхүү жагсаалтад байгаа 50 хүний 29 нь АНУ-ын иргэн байна. Мөн уг жагсаалтад Хятад, Энэтхэг тэргүүтэй бусад улсын хөрөнгө оруулалт, технологийн салбараас төрсөн тэрбумтнууд багтжээ. Та энэхүү жагсаалтад бичигдэхийн тулд дор хаяж 14,3 тэрбум ам.долларын хөрөнгөтэй байх шаардлагатай. Тэдний ихэнхи нь төрөхдөө л баян байсан хүмүүс байгаагүй юм. Өөрөөр хэлбэл, дэлхийн тэргүүлэх 50 баяны гуравны хоёр нь өөрийн хүчээр дэлхийн хамгийн хүчирхэг компаниудыг үүсгэн байгуулж чаджээ.

13. Жим Валтон

• Хөрөнгө:  37 тэрбум
• Нас: 42
• Улс: АНУ
• Салбар: Худалдаа
• Хөрөнгийн эх үүсвэр: Өв залгамжлал, Wallmart

Жим Валтоны эцэг эх болох Элэн болон Сэм Валтон нар 1962 онд АНУ-ын Арканзас хотод Wallmart-ийг үүсгэн байгуулахаасаа өмнө тус хотын Бэитонвиллийн банкны голлох хувьцааг худалдаж авчээ. Энэ үед тэдний том хүү болох Жим Валтон дөнгөж 14 настай байсан аж. Таван жилийн дотор тус гэр бүл 24 дэлгүүрийг эзэмшиж, Нью Иоркын хөрөнгийн бирж дээр Wallmart-ийн нэрийг мандуулжээ.

1975 онд Жим Wallmart-ийн үл хөдлөх салбарт таван жил ажилсаныхаа дараа аавынхаа үүсгэн байгуулсан Arvest Bank Group-т анх ажилд орсон байна.

Тэрээр одоо 15 тэрбум долларын хөрөнгийн эргэлттэй, бүсийн нийгэмлэгийн банкны CEO, захиралаар ажилладаг.

Түүнчлэн дээрх албан тушаалынхаа хажуугаар энэ эрхэм Валтон үйлдвэр, Валтоны гэр бүлийн компани, Арканзас хотын Community Publisher хэмээх сонины газрын захирлын албан тушаалыг тус тус хашдаг.

2005 онд түүний ах Жон нас барснаар Walmart-ийн удирдах зөвлөлд нэгдсэн бөгөөд өнөөдөр тус компанид захирлын албан тушаалыг мөн хашиж байна.

Валтоны ахан дүүс олны нүднээс далд амьдрахыг хичээдэг. Жим Валтоны гэр бүлийн санд нарийн бичгийн даргаар ажилладаг бөгөөд маш олон буяны үйлст хандив өгдөг аж. 2015 оны арванхоёрдугаар сард Жим болон түүний ахан дүүс нийт 407 сая ам.долларыг боловсрол, эрүүл мэнд, нийгмийн хөгжилд хандивласан байна.

12. Сергей Брин

• Хөрөнгө:  37 тэрбум
• Нас: 42
• Улс: АНУ
• Салбар: Технологи
• Хөрөнгийн эх үүсвэр: Өөрийн хүчээр амжилтад хүрсэн, Google

Сергей Брин хамтрагч Ларри Пэйжийн хамт Google-ийг үүсгэн байгуулжээ. Тэрээр Google-ийн 2015 оны наймдугаар сард зарласан томоохон бүтцийн өөрчлөлтийг Ларри Пэйжтэй хамтарч хийсэн байна.

Энэ бүтцийн өөрчлөлтийн дагуу Google-ийг Alphabet –д нэгтгэхийн хажуугаар бусад компаниуд болох Nest, Google X-ийг мөн Alphabet-ийн далбаан дор тусдаа үйл ажиллагаа эрхэлсэн компаниуд болгосон аж. Дээрх бүтцийн өөрчлөлт нь хамтрагч хоёрыг шинэ соргог төсөл, санаануудыг хэрэгжүүлж эхлэх таатай боломжыг олгожээ.

Сергей Брин “Аlphabet”-ийн ерөнхийлөгч бол түүний хамтрагч Ларри Пэйж Ceo нь аж.

Түүний томоохон борлуулалтын амжилтуудаас дурьдвал технологийн мангас гэгддэг энэхүү эрхэм 2014 онд 60 тэрбум ам.долларын борлуулалт хийсэн бөгөөд үүнийг 2013 онтой харьцуулахад даруй 10 тэрбум ам.доллараар ашигтай ажиллаж чаджээ.

Alphabet-ийн топ төслүүдээс нэрлэвэл автомашины автомат жолоодлогын систем болон гэрийн автоматжуулсан системийг хөгжүүлсэн явдал юм.

Сергей Брин нь бага насандаа Мосвагаас цагаачлан АНУ-д ирсэн бөгөөд 1995 онд Станфордод докторын зэрэг хамгаалж байхдаа Пэйжтэй хамтрах болжээ. Гурван жилийн дараа тэд дэлхийн хамгийн хүчирхэг компани Google-ийг үүсгэн байгуулжээ.

13. Ларри Пэйж

• Хөрөнгө:  38,5 тэрбум
• Нас: 42
• Улс: АНУ
• Салбар: Технологи
• Хөрөнгийн эх үүсвэр: Өөрийн хүчээр амжилтад хүрсэн, Google

1998 онд Станфордод докторын зэрэг хамгаалж байхдаа ангийн залуу Сергей Бринтэй хамтран Backrub хэмээх хайгуулын системийг бүтээжээ. Энэхүү төсөл хожим нь Google болсон бол 2015 оны наймдугаар сараас эхлэн Alphabet хэмээн нэрлэх болсон байна.

Эдүгээ Alphabet нь дэлхийн хамгийн том төдийгүй хамгийн хурдтай групп компани болсон бөгөөд 500 гаруй тэрбум ам.долларыг эргэлдүүлдэг болжээ.

Ларри Пэйж  2015 онд Google-д бүтцийн томоохон өөрчлөлт хийсэн нь Alphabet-ийн удирдлага доор Google болон түүнтэй холбоотой Nest,Calicо, Google X  зэрэг бусад компаниудыг оруулсан байна. Өмнө нь Пэйж Google-ийг удирддаг CEO нь байсан бол одоо бүхий л салбарт хуруугаа дүрсэн Alphabet-ийг удирддаг CEO нь болжээ.

Пэйж чамин тансаг, үнэтэй зүйлийг худалдаж аваад байдаггүй. Тэрээр ухаалаг, байгальд ээлтэй хэрэглээг эрхэмлэдэг нэгэн бөгөөд энэ чанарыг нь түүний  Пало Алто-д эзэмшдэг уламжлалт бус энергийн эх үүсвэр болох газар доорх дулаан болон борооны усыг ашигладаг хувийн орон сууцнаас нь харж болох юм. Пэйжийн ажлаас гадуур ганц хорхойсдог зүйл нь kiteboard гэнэ.