АНУ-ын Флорида мужийн Groveland тосгоны замын цагдаагийн дарга машинаа буруу байрлуулсанаа мэдээд, өөрийгөө торгосон талаар "The Daily mail"-д мэдээллэжээ. Өнгөрсөн мягмар гаригт Groveland-ийн замын цагдаагийн дарга Мельвин Теннисон зогсохыг хориглосон газарт зорчих хэсгийг таглан машинаа түр байрлуулсан байна. Тэрээр замын хөдөлгөөний дүрэм зөрчсөнөө мэдсэн даруй машиныхаа зургийг авч, өөрөө өөртөө 45 ам.долларын торгуулийн хуудас бичжээ.

Цагдаа нар замын хөдөлгөөний дүрэм зөрчсөн жолооч нарт 40 долларын торгуулийн хуудас бичдэг боловч Теннисон өөртөө таван доллараар илүү торгууль ноогдуулсан байна. Түүний өөртөө бичсэн торгуулийн хуудасны зургийг замын цагдаагийн газрын нарийн бичиг эмэгтэй бүртгэл хийж байхдаа мэдсэн ба энэ тухай цахим хуудастаа нийтэлжээ.